Mügənni Bəhmən Vətənoğlunun şeirini öz adına çıxıb

214

“Sözdən əzəmətli bir qala yapmış, türkdilli millətlərin əzbəri və qüruru olan, xalqın ruhunda və yaddaşında möhtəşəm bir şair abidəsinə çevrilmiş Bəhmən Vətənoğlu!”

Manevr.az bildirir ki, şairin şəninə deyilmiş bu xoş sözlər ilk baxışda onun haqqında gözəl bir yazı oxuyacağımıza zəmin yaradır. Əslində isə bu bir vətəndaşın həyəcan və hiddət dolu çağırışına verdiyi girişdir. ARB kanalında efirə getmiş “Səhər-səhər” verilişində müğənni Elçin Hüseynovun Bəhmən Vətənoğluya aid olan şeiri təhrif etməsi və öz adına çıxması əslən Kəlbəcərdən olan jurnalist, dəyərli söz adamı Famil Museyibovun haqlı etirazına, qəzəbinə səbəb olub. Özünün “feyzbuq” səhifəsində bu barədə qeyd edən F.Museyibov bildirib ki, “bu bir həyasızlıq və şərəfsizlikdir.” Həmin çağırış dolu qeydləri olduğu kimi təqdim edirik:

Əziz dostlarım!

Milli dəyərlərimizə, mənəviyyatımıza, əxlaq və mentalitetimizə… laqeyid qalmayan ziyalılarımız!!!

Bəhmən Vətənoğlunun sizlərə təqdim etdiyim bu üç bəndlik şeirini diqqətlə oxuyun

Elçin Hüseynov Bəhmən Vətənoğlunun şeirini öz adına çıxdı - ETİRAZ

və sonra da bu televiziya ekranlarından evlərimizə, ailəmizə həyasızcasına soxularaq, övladlarımızın zövqünü korlayan, onları çaş-baş salan; sevdiyimiz və müqəddəs bildiyimiz söz adamları və təfəkkür, işıq daşıyıcılarımızla yanaşı bizləri də həqarətlə təhqir edən… bu video çəkilişdəki həyasızlığa, abırsızlığa… baxın!!!

Böyük şairin bu şeirinin alçaqcasına təhrif edilməsi bir mənəvi cinayət olaraq az deyilmiş kimi, hələ üstəlik şeiri öz adına çıxmaq!!! Bu boyda oğurluğa nə boyda sırtıqlıq, həyasızlıq, şərəfsizlik… lazımdır!!!… 100 illərlə milli dəyərlərimizi- musiqimizi, tariximzi, folklorumuzu, mətbəximizi… özününküləşdirməklə məşğul və məşhur olan mənfurların bu alçaq xisləti hardan bizim bu üzdəniraqlarda?!
Nə ada verək belələrinə? Nə cür dayandıraq belələrini? Belələrinə meydan verən bəlkə elə biz özümüzük?.. Ən azından, belələrini ifşa etməməliyikmi? İctimai qınağa tutmamalıyqmı?
Fikirlərinizi bölüşün, laqeyd qalmayın!”

DİGƏR XƏBƏRLƏR