Xanım nazir müavini cəbhə bölgəsində-FOTOLAR

20

Kanal32.info Təhsil nazirliyinin rəsmi saytına istinadən xəbər verir ki,Xocalı soyqırımının 27-ci ildönümü ilə əlaqədar Təhsil nazirinin müavini Məhəbbət Vəliyevanın cəbhə bölgəsində yerləşən rayonlara səfər edib.

Səfər zamanı nazir müavini Cəbrayıl rayonu Cocuq Mərcanlı kənd tam orta məktəbinə, Füzuli rayonunun Qazaxlar kənd tam orta məktəbinə, M. Xəzani adına musiqi təmayüllü internat tipli gimnaziyaya baş çəkib, həmin məktəblərin pedaqoji kollektivi ilə görüşüb. Müəllimlərə metodik tövsiyələr verən Məhəbbət Vəliyeva adıçəkilən məktəblərdə dərs prosesinin gedişini izləyib.

Səfər zamanı Azərbaycan Respublikası Prezidentinin ictimai-siyasi məsələlər üzrə köməkçisi, tarix elmləri doktoru, professor Əli Həsənovun məsləhətçisi, əməkdar jurnalist Mübariz Əsgərovun müəllifi olduğu “Xocalı dərsi” adlı qısametrajlı filmlərin diskləri məktəblərə təqdim edilib.

Məhəbb Vəliyeva səfər çərçivəsində Lələtəpə yüksəkliyində xidmət keçən hərbi qulluqçularla, ardınca Füzuli rayonunda ictimaiyyət nümayəndələri ilə də görüşüb. Nazir müavininə edilən müraciətlər qeydə alınıb, nəticəsi ilə bağlı vətəndaşlara məlumat veriləcəyi bildirilib.

Daha sonra Məhəbbət Vəliyeva Füzuli rayonunda yerləşən ümumtəhsil məktəblərinin rəhbərləri ilə görüş keçirib. Görüş zamanı Təhsil Nazirliyi tərəfindən həyata keçirilən islahatlar, qarşıda duran prioritetlər və məqsədlər barədə məktəb direktorlarına tövsiyələr verilib.

DİGƏR XƏBƏRLƏR